شعر

قصـــائد

محمد علي الثوعي

ليلة البارح في صدري لقيت
……….ونة الاحزان تشعل بي جمر
والله اني من غرامه ما سليت
……….ابتعد لكن معي يبقى عمر
عشت في دنيا المواجع وابتليت
……….تجربة حبه من النادر تمر
لابغيت النفس ساعه واختليت
……….مرت الذكرى القديمه واندمر
***
قالت احبك قلت ياباشة الغيد
…..ادري ولكن مجتمعنا منعَنا
قالت أحبك قلت سور التقاليد
…..سوّا حواجز بيننا وانقطعَنا
في سابق الآيام كنا أجاويد
…..أحباب من نزف المشاعر صدعَنا
عذبنا شباك السهر بالمواعيد
…..ياكم نسولف ليلنا ما شبعَنا
آمالنا مركب سفر طافت البيد
…..عزم الشباب اللي تحدى ودفعنا
واليوم من كثرالعتب والمناقيد
…..اغراب صرنا والسبب مجتمعنا
احلامنا شابت وكانت مواليد
…..والياس دربه ياعيوني جمعنا
***
خذ راحتك سولف ترى الليل توه
…….ماراح …منّه ..غير ..ثلثه ..وعادي
همسك يجنن في.. حديثك مفوه
…….كلك . مشاعر .حب . والجو هادي
اطلق حجاجك غن وارقص وموه
…….عبّر ..عن.احساسك يابهجة فؤادي
قدام .عينك .عن ..غرامك.. أنوه
…….ليتك تلد الشوف يم المنادي
طاب السمر والشعر ياحلو جوه
…….خل العتب والشك تكسب ودادي
مالي بشخص ٍ في غرامه مشوه
…….يومين راضي..عشرة أيام غادي

اترك تعليقاً

زر الذهاب إلى الأعلى